Վրոցլավ՝ թզուկների, հեքիաթային տնակների, պատմամշակութային շենքերի քաղաք

Home Forums Իմ օրագիրը Վրոցլավ՝ թզուկների, հեքիաթային տնակների, պատմամշակութային շենքերի քաղաք

Viewing 1 post (of 1 total)
  • Author
    Posts
  • #1352
    Kristine
    Participant

    Եթե երբևէ ինչ-որ առիթով լինելու եք Լեհաստանում, ապա խորհուրդ եմ տալիս գնալ Վրոցլավ՝ զարմանահրաշ քաղաք:

    Քաղաքը գտնվում է արևմտյան Լեհաստանի հատվածում՝ մայրաքաղաք Վարշավայից մոտ 310 կմ՝ Դրեզդենից էլ ընդամենը 200կմ հեռավորության վրա: Վրացլավը յուրօրինակ քաղաք է․ տեղացիները ասում են, որ քաղաքը շրջապատված է 12 կղզիներով, որոնց կապում են կամուրջները, որոնք (եթե հիշողությունս չի դավաճանում) տեղացիները ասում էին մոտ 120 են: Այս քաղաքը, իսկապես, պահպանել է միջնադարյան ճարտարապետության գեղեցկությունը:

    Դե ինչ, մի փոքր թարմացնեմ իմ հիշողությունները, դե, իսկ ձեզ էլ ծանթոցանեմ:

    1. Շուկայի հրապարակ (Rynek Starego Miasta)

    Քաղաքի սիրտ և կարևոր տեսարժան վայր: Կարելի է համեմատել Լեհաստանի մյուս քաղաքի՝ Կրակովի շուկայի հրապարակի հետ, բայց վերջինս քառակուսի է, իսկ Վրոցլավինը՝ ոչ: Մոտավորապես 13 դարում է առաջացել (եթե կարելի է այդպես ասել): Եթե 360 աստիճանով պտտվես, իսկապես կխենթանաս….գույներ, ճարտարապետություն, յուրօրինակություն, իսկ տնակները կարծես հեքիաթային լինեն:

    Rynek Starego Miasto

    2.   Ratusha

    13-րդ դարում սկսվել է այս շինության կառուցումը, որը հիմա կենտրոնի տեսարժան վայրերից է: Շինության նկուղային տարածքում գտնվում է Վրոցլավի ամենահայտնի ռեստորանը՝ Piwnica Swidnicka: Վերջինս էլ համարվում է Եվրոպայի ամենահին գարեջրի ռեստորանը, որը դեռ 13-րդ դարում է բացվել և բացման օրվանից մինչ օրս արտաքնապես փոփոխությունների չի ենթարկվել:

    Դե, ի՞նչ կասեք…Ասե՛ք, որ շաաատտտտտ սիրուն է: Ամեն օր, երբ լինում էի քաղաքի տարբեր մասերում, պարտադիր պետք է անցնեի այդ հատվածով:

    3.       Բոգդանա շատրվան (Bogdan Zdrojewski)

    Ապակիների շատրվան: Ըստ իս՝ մի տեսակ ապակին թույլ չէր տալիս լիարժեք հիանալ շինություններով:

    4.   Քաղաքի փոքրիկ բնակիչներ

    Փողոցի տարբեր հատվածներում կարելի է հանդիպել այսպես կոչված փոքրիկ բնակիչներին: Շատ-շատ են այդ բնակիչները 🙂  Ծանոթացեք նրանց հետ…

    5.  Зал Столетия-Հայերեն թարգմանությունը չգտա 🙂 

    Երբ քաղաքաբնակներին հարցնում էի, թե ինչ պատմական վայր կարելի է գնալ, էլ ինչ տեսնել քաղաքում, տեղացիները հուշեցին ինձ անպայման գնալ և սեփական աչքերով տեսնել այդ շինությունը: Եվ ինչ…..

    Ճարտարապետական հսկայական, աննկարագրելի մեծ, նմանը չունեցող շինություն, որը համարվում է ՅՈՒՆԵՍԿՕ-ի ժառանգություն: Մի պահ պետք է կանգ առնել, որ վայելես…Հսկայական շենքը, դիմացը գտնվող մեծ այգին, որը, ի դեպ, շատ մաքուր է, և երեկոյան երգող շատրվանները, իրոք, հիասքանչ վայր է: Ինձ նաև բախտ է վիճակվել բարձրանալ ամենաբարձր կետը և վերևից զմայվել:

    65մ լայնությամբ և 42մ բարձրությամբ այս շինությունը գտնվում է Կենդանաբանական այգու մոտակայքում:

    Մշտապես իրականացվում են միջազգային ցուցահանդեսներ, երաժշտական և սպորտային միջոցառումներ, համերգներ, թատերային ներկայացումներ:

    Համոզված եմ՝ շատերիդ կհետաքրքրի շենքը, իր կառուցման պատմությունը, բայց քանի որ շատ երկար և հետաքրքիր է, ուստի Ձեզ կառաջարկեմ ինֆորմացիան վիկիպեդիայում պեղել: Ուղղակի վայելե՛ք ……

    P.S. 2-րդ նկարը ուղղակի տեղադրում եմ, որ ամբողջ գեղեցկությունը պատկերվի թռչունի բարձրությունից 🙂

    6.   Վրոցլավի համալսարան

    Սովորական համալսարան չէ․ թե՛ արտաքին և թե՛ ներքին տեսքը այնպիսի տպավորություն է ստեղծում, որ դա պատմամշակութային հերթական գլուխգործոցներից է: Բայց երբ տեղեկանում ես, որ սա համալսարան է, իսկապես ապշում ես…

    Պատմական ակադեմիական համալսարան, որտեղ հարյուրավոր Նոբելյան մրցանակակիրներ են ուսանել․ համալսարան, որն էլ հայտնի է իր Բարոկկո հանդիսավոր դահլիճով:

    Ներքևի նկարում համալսարանի դռներն են՝

    Բարոկկո դահլիճ՝

    Եթե բարձրանանք տանիք, կարելի է տեսնել քաղաքը վերևից՝

    7.  Կամուրջներ, որոնք, հավատացեք շատ են…այս մեկը շատ եմ հավանում 🙂

    8. Եկեղեցիներ

    Քաղաքի հատկապես հին մասում շատ են նաև եկեղեցիները

    Ամփոփելով ավելացնեմ՝ որքան հաճախ կարող եք շրջագայե՛ք, շա՛տ ճամփորդեք, ծանոթացե՛ք քաղաքներին, մշակութային և պատմական արժեքներին, ապրե՛ք տվյալ քաղաքի կյանքով…. դե իսկ տպավորություններով էլ, իհարկե, կիսվե՛ք:

    Հաջորդ անգամ միգուցե հենց Ձեր խորհուրդն ու ճամփորդական օրագիրը առիթ լինեն, որ ես էլ այցելեմ այս կամ այն քաղաքը:

    Սիրով՝ ճամփորդ Քրիստինե….

     

     

Viewing 1 post (of 1 total)
  • You must be logged in to reply to this topic.