Քրիստինեն և Բուդդայի հսկայական արձանը

Եվ այսպես, սիրելի՛ weekends.am-ի հետևորդներ, մենք շարունակում ենք բացահայտել աշխարհը և կիսվել մեր տպավարություններով։ Այս անգամ մեր թիմի անդամ Քրիստինեն, ում հետ շրջում ենք Ասիայում, ուղևորվել է այս գժվելու գեղեցիկ և զարմանահրաշ վայր` Լեշան (Չինաստան), որտեղ որ ժայռակերտ  Մայտրեյան Բուդդայի հսկայական արձանն է, որը համարվում է ամենահինը աշխարհում։ Ամեն տարի հազարավոր զբոսաշրջիկներ գալիս են այստեղ այս հսկային տեսնելու համար։

Weekends.am-ը, քանի որ խոստացել է ձեզ ներկայացնել բացառիկ վայրեր, չէր կարող չգալ այստեղ։ Տեսանյութում պատմում ենք, թե ինչպես կարող եք հասնել այս վայր, ծանոթացնում ենք գներին և կիսվում ենք օգտակար խորհուրդներով։ Ասել էինք չէ, որ հետաքրիր է լինելու․․․

Մանրամասները տեսանյութում․․․

 

 

 

No Comments Աշխարհի շուրջՃամփորդական օրագիր

Զբոսանք Լաս Վեգասում․ տեսանյութ

Դե ինչ, եկեք  զբոսնենք գիշերային Վեգասում միասին։

 

Իսկ այս տեսանյութում առաջարկում ենք ծանոթանալ, թե ինչպես են ռոբոտները կոկտեյլ պատրաստում Վեգասի ռեստորաններից մեկում։

 

 

No Comments Աշխարհի շուրջՃամփորդական օրագիր

Մի անգամ Վեգասում․․․ֆոտոշարք

Լաս Վեգաս՝ ժամանցային և խաղային բիզնեսի աշխարհի խոշորագույն կենտրոններից մեկը։ Սա մի վայր է, որտեղ անպայման մեկ weekend պետք է անցկացնեք ԱՄՆ-ում լինելու ժամանակ, և տպավորություններն ընդմիշտ կմնան ձեզ հետ։ Այստեղ տեղին է ասել, երբ բոլորը քնում են,  «մաֆիան» բացում է աչքերը։

Վեգասում կյանքը եռում է գիշերը, բազմաթիվ ժամանցի վայրերը, խաղատները, ակումբները լեցուն են մարդկանցով, ում համար օրը նոր է սկսվում։ Դե իսկ մենք շատ բան չենք պատմի մեր վեգասյան weekend-ի մասին,  քանի որ այն, ինչ տեղի է ունենում Վեգասում, մնում է Վեգասում․․․

« 2 of 2 »

 

 

 

 

 

 

 

 

 

 

No Comments Աշխարհի շուրջՃամփորդական օրագիր

Hoover Dam-ը ֆոտոշարքով

Մենք մեր նախորդ հոդվածներից մեկում ներկայացրել ենք մեր այցելությունը Hoover Dam տեսանյութով և պատմել ենք այս կարևոր նշանակություն ունեցող վայրի մասին․ հոդվածին կարող եք ծանոթանալ հետևելով հղմանը։  Այսօր ուզում ենք ներկայացնել Hoover Dam-ը ֆոտոշարքով և պատմել այս հուշարձանի մասին, որը գտնվում է Հուվերի ամբարտակի տարածքում։ Այն կառուցվել է ի հիշատակ բազմաթիվ շինարարների, ովքեր, վտանգելով իրենց կյանքը, աշխատել են բարձրության վրա․․․

Հիշեցնենք, որ Hoover Dam-ը հիդրոտեխնիկական յուրահատուկ կառույց է, 221 մետր բարձրությամբ բետոնային կամարագրավիտացիոն ամբարտակ և ջրաէլեկտրակայան, որը կառուցված է Կոլորադո գետի ներքին հոսանքում: Hoover Dam-ը գտնվում է Սև կիրճում՝ Նևադա և Արիզոնա նահանգների սահմանին՝ Լաս Վեգասից 48 կմ հարավ-արևելք՝ Բոուլդեր Սիթի քաղաքից մի քանի կիլոմետր հեռու:

Ամբարտակը առաջացնում է Միդ լիճը (ջրամբար): Hoover Dam-ը անվանվել է ի պատիվ ԱՄՆ 31-րդ նախագահ Հերբերտ Հուվերի, որը մեծ դերակատարում է ունեցել ամբարտակի կառուցման գործում: Պատնեշի կառուցման աշխատանքները սկսվել են 1931 թվականին և ավարտվել 1936 թվականին՝ նախատեսվածից երկու տարի շուտ:

Հուվերի ամբարտակը համարվում է ԱՄՆ-ի ամենահայտնի տեսարժան վայրերից մեկը:

« 1 of 2 »

 

 

 

No Comments Աշխարհի շուրջՃամփորդական օրագիր

Անգոլացի հյուրերը Գառնի, Գեղարդում

Երեկ մեր թիմը գնացել էր Գառնի, Գեղարդ հետաքրքիր weekend ունենալու և լավ օր անցկացնելու համար։ Քանի որ վստահ ենք, որ շատերդ բազմիցս եղել եք Գառնի, Գեղարդում, չենք ուզում անդրադառնալ այս վայրերի պատմամշակութային կողմերին, այլ ուզում ենք պատմել, թե ինչ մթնոլորտ էր տիրում այնտեղ։

Այն, որ Գառնի, Գեղարդը զբոսաշրջիկների սիրելի վայրերից է, դրանում կասկած չկա, բայց երեկ այնտեղ մի յուրահատուկ իրավիճակ էր։ Նայում ես․ մի կողմում՝ չինացիների խումբ, մյուս կողմում՝ ֆրանսիացիների խումբ, մյուս կողմում՝ անգլիացիների մի մեծ խումբ․ բոլորը ոգևորված ծանոթանում են Գառնու տաճարի պատմությանը․․․ Հանկարծ տաճարի տարածք է մտնում Անգոլայից ժամանած զբոսաշրջիկների այս խումբը, որը գրավում է բոլորի ուշադրությունը։

Այս խմբից մի այլ կարգի դրական էներգետիկա էր գալիս, այնքան գեղեցիկ էին նրանք․ մոտեցանք և շփվեցինք նրանց հետ, հաճույքով լուսանկարվեցին մեզ հետ weekends.am–ի համար և պատմեցին, թե որքան են հավանել մեր երկիրը․ անգամ ընկերացանք։

Նրանք գրավել էին բոլորի ուշադրությունը, ու այնքան հաճելի էր, որ մեր ազգակիցները ոչ թե տարօրիանակ և խեթ հայացքներ էին գցում նրանց կողմ, ինչպես տարիներ առաջ էր, այլ բոլորը ցանկանում էին նրանց հետ նկարվել, ասես ինչ-որ հայտնի խումբ եկած լիներ։

Նրանք էլ իրենց հերթին էին հայերի հետ սելֆիներ անում։ Մի խոսքով, ո՛չ մաշկի գույնը նշանակություն ուներ, ո՛չ ազգությունը, ուղղակի մարդկային ջերմ միջավայր էր․․․ Էսպես շատ դրական լիցքերով օր ունեցանք, նոր ընկերներ ձեռք բերեցինք և հաճելի ժամանակ անցկացրինք։ Իսկ մեր անգոլացի  հյուրերը իրենց հետ տարան բազմաթիվ լավ տպավություններ, հայկական ջերմ ընդունելություն և լիքը սելֆիներ․․․

 

 

No Comments Աշխարհի շուրջՀետաքրքիրՃամփորդական օրագիր

Ամբերդը մեր աչքերով. ֆոտոշարք

Ամբերդ (Անբերդ) ամրոց-բերդաքաղաքը կառուցվել է պատմական Արագածոտն գավառում,  Արագածոտնի մարզի Աշտարակի տարածաշրջանի Բյուրական գյուղից 7 կմ հյուսիս-արևմուտք, Արագածի հարավային լանջին, Արքաշեն և Ամբերդ գետերի միախառնման տեղում` եռանկյունաձև հրվանդանի վրա՝ 2300 մ բարձրության վրա:

Ամբերդ անունը ծագել է աղավաղման հետևանքով, նախնական անունը եղել է Անբերդ։ Ամբերդ անունը բացատրվում է որպես ամպի բարձրության բերդ, կից-բերդ: Հանդիպում է նաև Անբերդ տարբերակը՝ անառիկ, անմատչելի բերդ: Կոչվել է նաև Հանբերդ, Համբերդ, Ղըզղալա անուններով:

 

Ամբերդը մեր աչքերով՝ 

« 1 of 2 »

No Comments Ճամփորդական օրագիր

Սյունյաց աշխարհի գանձերը․ weekends.am-ը Սյունիքում

Ինչպես գիտեք, weekends.am-ը ուղևորվել էր Սյունիք՝ Սյունյաց աշխարհի գեղատեսիլ վայրերը ձեզ ներկայացնելու համար։ Այս ճանապարհորդության ընթացքում մեզ համար ամենատպավորիչ վայրերից մեկը Տաթևի վանական համալիրն էր։ Այն  IX դարի պատմական հուշարձան է, Հայաստանի հնագույն հոգևոր կենտրոններից, ինչպես նաև միջնադարյան Հայաստանի ամենամեծ համալսարանն էր: Վանքը գտնվում է Սյունիքի մարզի Տաթև գյուղի հարավում։

Մենք մեր արկածներով լեցուն և <<դժվարին>> ուղին սկսեցինք վաղ առավոտյան և արդեն կեսօրին մոտ վանական համալիրում էինք։ Ինչպես և սպասում էինք, բազմաթիվ զբոսաշրջիկներ, օտարերկրացիներ․․․հատկապես ամռանը այստեղ շատ մարդաշատ է լինում։

Այստեղ մինչ համալիրի տարածք մտնելը կտեսնեք փոքիկ վաճառքի կետեր,   հուշանվերների սեղանիկներ  և այս վարդագույն մեքենան, որում կարող եք լուսանկարվել․․․իսկ հետո մուտք եք գործում համալիրի տարածք, և ներաշխարհը փոխվում է․․․

Անասելի վեհությամբ վանքը և նրա՝ բարձունքից  բացվող անծայրածիր կանաչը․․․

Զբոսաշրջիկների մեծ մասը վանական համալիր բարձանում է  Տաթևի թևեր ճոպանուղիով /2010 թվականին շահագործման է հանձնվել աշխարհի ամենաերկար Տաթևի թևեր ճոպանուղին (5.5 կմ), որը նպաստում է տարածաշրջանի զբոսաշրջության զարգացմանը/։  «Տաթևեր» ճոպանուղին գրանցվել է Գինեսի ռեկորդների գրքում՝ որպես աշխարհի ամենաերկար հետադարձելի ճոպանուղի, որը շարժվում է առանց կանգառի:

Ճոպանուղիով վանք հասնելը յուրահատուկ հմայք է հաղորդում համալիրին, շունչդ պահած վայելում ես բարձունքից բացվող գեղեցիկ տեսարանը, և թվում է՝ վերջ, այլևս ոչինչ չի կարող քեզ զարմացնել, բայց ոչ, հասնում ես համալիր, և մի նոր զգացողություններ, դարերի շունչը ասես զգում ես մաշկիդ վրա, և պատմության ծանր հետքերը ակնթարթի նման անցնում են առջևովդ, որին հաջորդում է հպարտության զգացումը, որ չնայած բազմաթիվ փորձություններին՝ վանքը պահպանվել է։

1931 թվականին տեղի ունեցած երկրաշարժի հետևանքով եկեղեցական համալիրը գրեթե ամբողջությամբ ավերվել էր, գետնին էին հավասարվել Տաթևի համալսարանը, հողով ծածկվել վանքի մուտքը։ 1974-1998 թվականներին վանական համալիրի մեծ մասը վերականգնվել է. կիսակառույց են շարունակում մնալ զանգակատունը և հարակից մի քանի կառույցներ, այդ թվում՝ պարիսպների մի մասը։

Զարմանալի է, բայց բակի կենտրոնում Xդ. սկզբին կառուցված  ճոճվող հուշասյունը («Գավազան») միակ կառույցն է, որը բազմաթիվ երկրաշարժներից պահպանվել է անխաթար՝ վկայելով հայ ճարտարապետների կառուցողական մեծ հմտության մասին:

Համաձայն Վանքի անվան ծագման մասին  լեգենդներից մեկի, երբ վանքը կառուցող վարպետը ավարտել է իր աշխատանքը, նա խնդրել է Աստծուն իրեն թևեր տալ, որպեսզի նա  երկնքից տեսնի այս գեղեցկությունը:  Աստված  լսել է նրան   և կատարել նրա խնդրանքը:  Վարպետը թռել, գնացել է անհայտ ուղղությամբ։ Բանվորներն առանց վարպետի չեն կարողացել հանել վանքի փայտյա սկալաները։ Ժամանակ անց, լսելով, որ նա Պոլսում է գտնվում, վանքի շրջակայքի բնակիչները մարդ են ուղարկել վարպետի մոտ և խնդրել, որ նա գա,  հանի վանքի սկալաները։ Սակայն վարպետը չի  վերադարձել։ Նա միայն հայտնել է հանելու  եղանակը։  Վարպետի ասած խոսքից «Հոգին սուրբ տա թև» վանքը կոչվում է Տաթև։

«Տաթև» նշանակում է «Տուր թևեր»:

Այսօր Տաթևի թևեր ճոպանուղու օգնությամբ մեզնից յուրաքանչյուրը ունի հնարավորություն վայելելու վանքի գեղեցկությունը с высоты птичьего полета. 

No Comments Աշխարհի շուրջՃամփորդական օրագիր

Շարունակում ենք բացահայտել Ասիան

Այժմ ներկայացնում ենք Քրիստինեի այցելությունը Kuanzhai Alley, որը հայտնի է նաև որպես  Wide and Narrow Alley «Ընդարձակ և նեղ» նրբանցք անվանբ։

Wide and Narrow Alley-ն է Քինգ թագավորությունից մնացած հայտնի պատմական և մշակութային փողոց է՝ Չինաստանում, անտիկ կառույցներով, որոնք  տարիների ընթացքում թարմացվել և ամրացվել են։

Այն իր անվանումը ստացել է այն բանի համար, որ բաղկացած է 3 պատմական, իրար զուգահեռ նրբանցքներից։

Alley-ն  գտնվում է Չենգդու քաղաքի կենտրոնում, նրա  3 հատվածներն են՝

Kuan Alley /wide Alley/

Zhai Alley /Narrow Alley/

King Alley

Հնաոճ կառույցներ, Չենգդուի տեղական կյանք, Սիչուանի համեղ կերակուրներ․ այս ամենը հենց պատճառն է այն բանի, որ բազմաթիվ մարդիկ  այցելում են այս վայրը։

Այս փողոցում կան քայլելու և զբոսնելու պատմական վայրեր։ Այստեղ ողջ տարվա ընթացում մարդաշատ է լինում։

Կարելի է այցելել ինչպես կեսօրին, այնպես էլ գիշերը, երբ վառվում են լույսերը։ Անձամբ ես խորհուրդ կտամ այցելել աշխատանքային օր, քանի որ  weekend-ին / հանգստայան օրերին/  այցելուները շատ-շատ են՝ և՛ զբոսաշրջիկներ, և՛ տեղացիներ, ինչն էլ դժվարեցնում է զբոսանքը։

Սա մի վայր է, որտեղ այցելուները կարող են վայելել ավանդական չինական թեյը։ Այստեղով քայլելիս  ամենուրեք կտեսնեք հյուրընկալների, որոնք կկանչեն ձեզ հենց իրենց ռեստորան՝ ընթրելու կամ թեյելու։ Բազմաթիվ հուշանվերների խանութներ կան։

Մի խոսքով, հետաքրքիր վայր է,  երբ լինեք Չինաստանում, մի weekend հատկացրեք այս վայր այցելությանը։

Լուսանկարները՝ կից։

 

 

 

 

 

 

 

 

 

 

No Comments Աշխարհի շուրջՃամփորդական օրագիր

Զբոսանք Սորենտոյի փողոցներով․ ֆոտոշարք

Այսպիսով, ավարտվեց և հիշողություն դարձավ ևս մեկ ճանապարհորդություն․․․

Weekneds.am-ի ճամփորդությունը Իտալիա՝, Սորենտո, Կապրի, արդեն ներկայացրել ենք ձեզ, բայց քանի որ Սորենտոյի փողոցները շատ գեղեցիկ և հետաքրքիր են, որոշեցինք ներկայացնել այս ֆոտոշարքը։

Դե իսկ մենք կհանդիպենք արդեն նոր վայրերում։

Կարդացեք  նաև՝ Սորենտոյից Կապրի․ Weekends.am-ի ճամփորդության մանրամասները,

Weekends.am-ը Սորենտոյում․ տեսարժան վայրերը և ոչ միայն

« 1 of 7 »

No Comments Ճամփորդական օրագիր

Սորենտոյից Կապրի․ Weekends.am-ի ճամփորդության մանրամասները

Weekends.am-ը Իտալիայում լինելու ժամանակ չէր կարող բաց թողել weekend-ը  Կապրիում /Տիրենյան ծով/, անցկացնելու հնարավորությունը։

Սորենտոյից նավով ուղևորվեցինք այնտեղ՝  այս զարմանահրաշ լազուր կղզին տեսնելու և զգալու։ Կղզին անչափ գեղեցիկ է, զգացվում է հին իտալական շունչը, այստեղ նախկինում հաճախ էին գալիս գրողներ  հանգստանալու, այստեղ անգամ 1906-1913-ին ապրել է  Մաքսիմ Գորկին։

Այժմ այս կղզին հայտնիների սիրելի վայրն է, որը պետք է գնաս, տեսնես և զգաս, բայց ինչևէ, փորձենք ներկայացնել մեր տպավորությունները, մինչ դուք էլ գնաք և վայելեք այս հրաշքը։ Եթե կարճ ժամանակով եք գնալու Կապրի, օրինակ մեկ օր, ավելի լավ է գնաք առավոտյան, թե չէ կեսօրին  արդեն շատ մարդաշատ է։

 Մենք Սորենետոյից նավով եկանք  Կապրի կղզի, ապա այնտեղից մինի ավտոբուսով զբոսավարի ուղեկցությամբ գնացինք  Անակապրի /քաղաք Իտալիայում, Կապրի կղզում/, որտեղից էլ ճոպանուղով իջանք  Կապրի քաղաք։

 

Կապրին տուրիստական վայր է, այստեղ ամեն քայլափոխի  դիզայներական խանութներ են, հուշանվերների բուտիկներ և իհարկե, շքեղ ռեստորան-սրճարաններ։

 

Ռեստորանների պատերին փակցված հաճախ կարող էինք տեսնել աստղերի լուսանկարներ, որոնք եղել էին այդտեղ։

Եվ իհարկե, նավով շրջագայություն կղզում․․․և անմոռանալի տպավորությունները ապահովված էին․․․

Կապրիի գեղեցկությունը փորձել ենք ներկայացնել լուսանկարներում, թե ինչքանով է հաջողվել, որոշեք ինքներդ՝ նայելով այս երկնագույն ֆոտոշարքը ․․․

Իսկ մենք ավարտեցինք մեր ճանապարհորդությունը Իտալիա՝ Սորենտո, Կապրի կղզի,  վայր, որը մեկ բառով կարող եք բնութագրել տաք և բուրող ցիտրուսի բույրով։

 

« 6 of 6 »

 

 

 

 

 

No Comments Ճամփորդական օրագիր
error: Նյութը ձեռք բերելու համար դիմեք հեղինակին